“Türkmenistanyň guraklaşan sebitlerinde ýerli jemagatyň howanyň üýtgemegine durnukly ykdysady durmuş işjeňligini goldamak” atly taslamanyň Dolandyryjy geňeşiniň 9-njy mejlisi

2021-nji ýylyň ýanwar aýynyň 27-ne Türkmenistanyň Suw hojalygy baradaky döwlet komitetiniň, Türkmenistanyň Mejlisiniň, Türkmenistanyň Oba hojalyk we daşky gurşawy goramak ministrliginiň, Türkmenistanyň Maliýe we ykdysadyýet ministrliginiň, Türkmen oba hojalyk institutynyň, Daşoguz we Lebap welaýat häkimlikleriniň wekilleriniň hem-de Birleşen Milletler Guramasynyň Ösüş Maksatnamasynyň (UNDP) Türkmenistandaky wekilhanasynyň arasynda göni wideo aragatnaşyk arkaly “Türkmenistanyň guraklaşan sebitlerinde ýerli jemagatyň howanyň üýtgemegine durnukly ykdysady durmuş işjeňligini goldamak” atly taslamanyň Dolandyryjy geňeşiniň 9-njy mejlisi geçdi. Duşuşygyň dowamynda taslamany kämilleşdirmek boýunça, derňew işleri, milli bilermenleriň kömegi bilen taslamanyň netijeliligine baha we umumy teklipler berildi. Lebap we Daşoguz sebitlerinde bar bolan agro-maglumat merkezleriniň durnuklylygyny üpjün etmek üçin baş ýörelge hödürlendi. Birleşen Milletler Guramasynyň Ösüş Maksatnamasynyň Global ekologiki gaznasy bilen bilelikde amala aşyrýan bu taslamanyň çäklerinde 2021-nji ýylda edilmeli işler ara alyp maslahatlaşyldy.